Fundashon D.U.M

FUNDASHON DUNA UN MAN  (D.U.M.), TA UN DEPARTAMENTU DI  “THE BEACON MINISTRIES”       

Fundashon Duna Un Man a wordu funda pa por yuda esnan den nesesidat , pa nan por yuda nan mes den futuro!

Nos ta kere ku iglesianan mester yuda esnan den nesesidat!                                                 

Esaki ta un di e mandamentunan ku un iglesia mester praktika, primeramente yuda  den e nesesidatnan spiritual  i moral, pero tambe nos mester yuda e biudanan e werfanonan i e pobernan, nos mester bishita e enfermonan i e presunan, esaki nan ta mandamentunan klave i konkreto ku Dios a pone den Su palabra pa nos kumpli kuné!

For di prinsipio di e iglesia,  esaki tabata asina, i  lo sigi ta asina!                            

Nos semper lo tin pober i hendenan nesesita rond di nos,   kon nos por funkshona komo un iglesia bendishona,  si nos no aplika e mandamentunan di nos Señor den nos kongregashon? Tin hopi iglesia,  ku ta hasta rechasa pobernan meimei di nan,  demostrando nan ku nan no ta bon bini, dunando di konose den nan predikashi,  ku si bo no ta prospero,  bo no ta yu di Dios! Sinembargo e palabra di Dios ta mustra nos kompletamente e kontrario.                                 

E forma pa trata ku e situashon aki, ta pa konsientisa e pueblo di Dios, i demostra  esnan ku ta den nesesidat ku nos tei pa juda unda ku nos por!

si!   asina  mes!

Nos mester juda esnan den nesesidat, pero den un forma struktura!  No dunando djis  pa duna,  sino kaminda ku ta posibel,  dor di señansa, kapasitashon  y speransa nobo, mustranan ku si nan por, i ku si nan pone di nan parti i konfia den Dios, nada no ta imposibel! Meskos ku tur otro area den nos bida, nada no ta por nada, pero si,  semper tin e posibilidat di un of otro manera,  pa juda un hende, pa duna un hende un man, no importando su  sirkumstansia ni rasa ni kolo!

Awe nos ta pidi abo pa uni ku nos,  i registra bo mes komo un miembro patrosinador (a)  di fundashon d.u.m.  duna nos un man.., ku un simpel donashon. nos no ta pidi bo pa un donashon supstansial si bo no por..,  pero lesa e sigiente mensahe aki i kompronde  kiko nos Señor Hesukristu kier a siña nos, kisas pa abo tambe.., awe lo ta prome biaha ku lo bo bin kompronde  kiko  Señor tabata ke,  pa abo sa!

lukas 21:1-4

Ta konta nos kon nos Señor Hesu Kristu a hisa Su kara i a mira e rikunan ta tira nan ofrendanan den e kaha di ofrenda, i El a mira kon un biuda pober a tira dos plaka di koper aden.  te awe e monedanan di koper ta esunan di menos balor! Sin embargo Kristu Hesus a bisa  “di berdat mi ta bisa boso , e biuda pober aki a tira mas tantu aden ku nan tur; pasobra nan tur a tira pa e ofrenda for di nan abundansia, ma el a tir’aden for di su pobresa tur loke ku e tabatin pa biba di dj’e!”

Esaki ta loke mi a persibi of kompronde!

No ta e kantidat ta konta sino e sakrifisio ku e biuda a hasi, tabata konta den bista di Dios! No ta e kantidat ku abo por duna ta konta sino e loke ta bini di bo kurason!    Si bo ta sinti den bo kurason pa juda nos juda un otro, juda su mes! anto sabi ku Dios lo ta esun ku la rekompensabo y E lo bendishonabo!

E palabra di Dios ta duna nos di kompronde ku di akuerdo ku e kantidat ku bo ta sembra lo bo kosecha.  atrobe esaki ta base di bo sakrifisio i a  base di e amor ku bo ta sembra ku’ne.

Mas grandi ta e bendishon di esun ku ta duna ku esun ku ta risibi.                                                 

Sea un dunado alegre i duna generosamente na esnan ku tin gran nesesidat.               

Danki di antemano pa bo generosidat!

Nos tin diferente projekto  ku nos ta juda finansieramente.                                                                  

Si bo tin un sekshon spesifiko ku bo ke aporta na djé  klik riba e indikador,  sino klik riba SIMIYA PA...donashon general, i bo donashon ta bai na e parti mas nesesita na e momento ei!