Ministerio

MINISTERIO NAN DI IGLESIA “THE BEACON MINISTRIES”

Primeramente un splikashon kortiko di, nifikashon  di e palabra “ministerio” pa nos komo iglesia.

1.       Pa nos komo iglesia,  e ta e akto of e hecho di sirbi!

2.       Uno, ku ta sirbi komo un instrumento di ayudo.

3.       Uno, ku ta ofisia of ku ta asisti  e ofisiante den alabansa i adorashon den iglesia.

4.       Un miembro representante di nos iglesia  den exterior,  ta fungi  komo un sirbidor i embahador di nos iglesia.                                                                                                                           

Konklushon: Ministerio ta:

”Topa ku hendenan kaminda nan ta, i hibanan kaminda Dios ke pa nan ta” !

Ministerio pastoral

   Pstr. Johnny & Ingrid Romondt                                                                                                                                    

    Nos ministerio prinsipal komo pastornan di iglesia “the beacon ministries”

    ta, pa kumpli ku e gran komishon den mateo 28:16-20, dor di ;

● Di ta sirbidonan ehemplar di tur nos miembro i bishitantenan di iglesia.

● Hasi nan disipelnan di nos Señor Hesùkristu, pa medio di enseñansa den e palabra di Dios,

   i pa despues, nos pone esaki den praktika den nos bida diario!

●Duna e eseñansa korekto a base bibliko na su karnenan, pa nan por  sigi  e mandamentunan i 

   wordu boutisa den awa, den e nomber di Tata Yu i  Spiritu Santù, pa asina nan por uni den 

    e siguiente  tareanan ;

●Evangelisashon,  Mateo 28:19  *  2Korintionan 5:20 * Marko 16:15

● Komunion, Enkorashamentu i e konsepto di Etika, Hebreonan 3:13 * 10:24-25

    2Timoteo 4:2

● Alabanza, Orashon, Adorashon,.. Efesionan 5:19-20, 6:18 * Salmo 33:1

 ● Ekipa, Senjansa General i  Estudio bibliko,…Mateo 28:20 * 2Timoteo 3:14-17 *   

    Juan 14:26

 ● Komunikashon pa medio di website, T.V & Radio streamline, boletin mensual, i tur otro tipo

     di komunikashon disponibel  pa hiba e palabra di Dios na tur nashonan na diferente idioma.

     E sinku areanan aki por wordu representa pa medio di e kwater relashonan ku e Iglesia 

     mester tin, esta..;

     E relashon entre e Iglesia i esnan pafo di dj’e, e relashon entre e Iglesia i esnan den dj’e       

     e relashon entre Iglesia  ku Dios i e rlashon  di Dios pa ku Iglesia! E relashonnan aki por 

     wordu indika pa medio di kwater palabranan direkshonal, esta:

●E relashon  eksterno, ta e komunion entre e iglesia i esnan  pafo di iglesia

●E relashon interno, ta e komunion entre e iglesia i esnan den e iglesia

●E relashon pa’riba,  ta e komunikashon i ofrenda di iglesia pa ku Dios .

●E komunikashon pa’bow;  ta  komunikashon  i e ofrenda di Dios pa ku e iglesia.