Mas ku 40 WEBMASTER na Korsou!!

Mas di 40 hende, pa ser eksakto 52 persona a gradua na e Workshop di

"BIRA UN DISENJADO DI WEBSITE DEN TEMPU REKORD" 

Dia 17 Oktober 2011, na e edifisio di "The Beacon Ministries" 52 persona a gradua komo Webmaster, despues di a pasa 3 wikent hopi intensivo den e workshop ku tabata un gran exito. Un total di 70 persona a kuminsa ku e kurso, i 52 persona a termina risibiendo nan Certificado di Webmaster Nivel 1, 2 & 3. Un total di 13 Iglesia a tuma parti mandando nan representantenan!

 E workshop a wordu duna dor di Giovanni Toyo Publisista i Webmaster, renombra, i ganador di varios premionan internashonal i e premio maksimo di Webmaster Nashonal di Venezuela.

E Meta Prinsipal di e workshop tabata, pa nos por ekipa e Iglesianan Kristian i su miembronan individual,  pa por kuminsa Evangelisashon ON LINE pa tur Nashonan i asina kumpli ku e mandato di Mateo 28:19-20.

WORKSHOP WEBMASTER NA BONAIRE

Mientras ku na Korsow nos tabata tin 52 persona a gradua komo Webmaster den Nivel 1, 2 & 3 Bonaire no a keda afo, i a sabi di hasi nan Workshop den un forma formidabel i a hasi un impakto total! Manera nan mes ta bisa, na Bonaire nos ta Rustig, asina tambe riba un Rust, na Bonaire Christian Fellowship, un Total di 27 persona partispa na unda Mayoria a logra tur tres Nivel, i algun pa motibu di falta di tempu a logra Nivel 1 ku 2, ku ta e parti mas prinsipal, esta.., kon pa krea un Website i kon pa agrega e assesorionan riba un Website, e Nivel 3 ta ensera kon pa instala Radio y Television on Streamline., Bonaire Pabien! Bosnan Ta riba un Rust, speshalmente si nos konsidera ku bosnan a kumpli ku tur e workshop den tempu rekord di total 20 ORA SO! No ta keda nos nada otro ku rekonose ku Dios ta hasiendo algu Maravioso! I awor.., Man Na Obra! Laga nos ban hasi loke ta na alkanse di nos mannan i Señor lo Respalda Nos!

WORKSHOP DI PHOTOSHOP NIVEL 1 & 2

Ora un kos ta "Hot "tin ku probecha!

I esei a sosode tambe despues di a termina ku e workshop di Webmaster na Korsow i Bonaire, nos a disidi di sigi mesora ku e kurso di Photoshop nivel 1 & 2, den esaki tabata tin un total di 12 persona ku a gradua! Bonairù, bosnan tei?

Otro aña ku poder di Dios nos lo bai ripiti  i bini ku otro workshopnan  interesante, pa nos por sigi profesionalisa den e area aki, i klaro nos no por laga nos rumanan di Flamingo Island afo!  Rustig! Nos ke tuma e oportunidat aki pa Gradisi Giovanni Toyo pa su tremendo trabow ku ela hasi, berdaderamente un persona integro i profesional! Un danki di Kurason i ku Dios sigi husabo pa ta bendishon pa otronan!